بسم الله الرحمن الرحيم
شرح الطريقة الصحيحة لكتابة رقم الجلوس في الامتحان للثانوية العامة 2023
أبنائنا طلبة الثانوية العامة
بعد ما خلصنا من توضيح كل ما يخص المواد الغير مضافة تعالوا نشوف رقم الجلوس وإجابة الاسئلة اللي بتدور حواليه
رقم الجلوس بتكتبه عربي أو انجليزي مش هتفرق المهم تظلله في الخانة الصح
التظليل بيكون بشكل عمودي ( رأسي وليس أفقي ) والتظليل بيكون تحت كل رقم في الخانه المخصصة له يعني بالطول مش بالعرض
يعني مافيش حاجة اسمها اظلل من اليمين ولا الشمال أو الشمال لليمين مش هتفرق بدأت من أنهي ناحية الأول
ومافيش حاجه اسمها لو الرقم متكرر زي 44 هعمل ايه .. لو حتى متكرر كل رقم له العمود المخصص له حتى لو السبع ارقام كلهم رقم واحد بردوا هيكون لكل رقم خانه في العمود بتاعه يعني مش هيتقابلوا مع بعض ولا في تعارض بينهم
طيب رقم الجلوس بيفرق في كتابته لما اكتبه بالانجليزي عن العربي
لا مش هيفرق وبيتم معاملته بالظبط زي رقم الموبايل او رقم بطاقتك
يعني مثلا رقم رقم موبايلك لو كتبته انجليزي
01125684058
طيب لو كتبته عربي هيتغير ؟؟ لا طبعا هو نفسه متغيرش
٠١١٢٥٦٨٤٠٥٨
رقم الجلوس بيعامل نفس المعاملة
بتظلل بالقلم الجاف وبتظلل الدائره بشكل كامل وبلاش تضغط بالقلم بعنف على الورقه علشان متقطعهاش من كتر الشخبطه
اخر حاجه بخصوص رقم الجلوس إتأكد انك كاتب ٧ أرقام فقط ومافيش خانات فاضية بعد ما كتبته لأن عدد الأرقام اللي في رقم الجلوس لازم يكون متوافق مع عدد الخانات
بالتوفيق إن شاء الله حبايبي ربنا معاكم ويطمنا عليكم وييسر أموركم ويرزقكم النجاح والتفوق بإذن الله
م/ أماني الشريف
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم للمرحلة الثانوية على منصة كتاتيب مصر.
