بسم الله الرحمن الرحيم
تحميل شروط مدارس المتفوقين 𝐒𝐓𝐄𝐌 للعام الدراسي 2023 – 2024
ج
شروط مدارس المتفوقين 𝐒𝐓𝐄𝐌
نسخة pdf مضغوطة عالية الجودة درايف
https://drive.google.com/file/d/1S4iiSQJduHNkTIbXTeTxypl_HhPi_vT0/view?usp=drivesdk
البوست دا فيه كل شروط مدارس المتفوقين 𝐒𝐓𝐄𝐌 و مميزات المدرسة و العناوين
💯اعمل شير و مينشن لأي حد إبنه او بنته عاوزين يقدموا في مدارس المتفوقين الثانوية بعد الإعدادية
[ مدارس المتفوقين للعلوم و التكنولوجيا 𝐒𝐓𝐄𝐌 بنين او بنات ]
▪️ شروطها :
– حصول الطالب علي 𝟗𝟓% والدرجة النهائية في مادتين من المواد الثلاثة
( العلوم، الرياضيات، اللغة الانجليزية )
– أو حصول الطالب علي 𝟗𝟖% والدرجة النهائية في مادة من ثلاثة
( العلوم، الرياضيات، اللغة الانجليزية )
– ان يكون مصري الجنسية
– اجتياز اختبار الــ 𝐈𝐐 للقبول بالمدرسة
غير مسموح اقل من ذالك المجموع نهائي مهما كان ..
▪️تفاصيل ومميزات المدرسة :
-مدارس ثانوية عام داخلية ( مبيت ) متوفر منها للبنات فقط و للبنين و البنات مشترك
– الدراسة بالانجليزي ( لغات ) ولكن متاح قبول الطلبة من مدارس العربي و اللغات.
– من حق الطالب الاختبار باللغة التي يرغب فيها يعني لو طالب من مدرسة عربي يختبر بالعربي لكن الدراسة باللغات
-يتم تدرس مناهج مختلفة وبتركز أكتر على الجانب العلمي و التكنولوجي
-متوفر ما يسمى “مشروع أو كابستون ” وده عليه نسبة كبيرة من المجموع و هي اختصار لكلمات 𝚂𝙲𝙸𝙴𝙽𝙲𝙴, 𝚃𝙴𝙲𝙷𝙽𝙾𝙻𝙾𝙶𝚈, 𝙴𝙽𝙶𝙴𝙽𝙴𝙴𝚁𝙸𝙽𝙶, 𝚊𝚗𝚍 𝙼𝙰𝚃𝙷𝚂
( العلوم والتكنولوجيا والهندسة والرياضيات) فهي قائمه علي البحث العلمي
-غير متوفر نظام الكتاب الواحد لكل مادة بل يوجد مرجع لمذاكرة المواد
-لا يوجد هناك نظام الشرح التقليدي فيقوم الطلبة بتقسيم نفسهم الي مجموعات ويشرحوا الدروس بنفسهم ويكون دول المعلم التوجيه فقط
– المناهج مزيج بين التعليم الثانوي والمناهج الأمريكية لعدم إعتماد الطلاب علي الحفظ بل الفهم ومعرفة مصدر كل معلومه يدرسونها
– المدارس دي هدفها إنها تلغي نظام الحفظ والتلقين، فهي معتمدة اعتماد كلي علي الفهم والبحث والتطبيق. يعني بتخلق باحث مش مجرد طالب.
ودا معناه أن مفيش لا مناهج ولا كتب، كل طالب بيستلم لابتوب اول سنة وبيسلمه للمدرسة تاني في اخر سنه، والمناهج عبارة عن موضوعات رئيسية الطلبة بتتوسع فيها من خلال البحث وجمع المعلومات من الانترنت والمراجع….الخ.
– بنسبه لتوزيع الدرجات : %𝟲𝟬 مشروع وابحاث –
𝟯𝟬% علي الامتحانات التحريرية – 𝟭𝟬% علي العملي والحضور والعروض والتقارير المكلف بها الطالب
• النظام هناك هيغيرلك طريقة تفكيرك ومذاكرتك.
• بعدك عن اهلك هيعلمك تتعلم المسئولية.
• في فرصة أن يجيلك منح من برا مصر.
– المدرسة بتقبل 𝟏𝟎𝟕𝟓 طالب ولد و 𝟖𝟕𝟓 طالبة علي مستوي الجمهورية مش في المدرسة الواحدة
▪️الكليات المتاحة :
– لو دخلت علمي علوم متاح قدامك كليات الطب بكل أنواعه (طب – علاج طبيعي – صيدليه – علوم )
– ولو دخلت علمي رياضة متاح ليك ( هندسة بمجالاتها – حاسبات ومعلومات )
– لكن خلينا متفقين ان اقل طالب في 𝐒𝐓𝐄𝐌 بيدخل كليه علوم
▪️عيوب المدرسة :
• أن المدرسة داخلية مبيت.
• لو بتحب المواد الأدبية فالمدرسة دي مش ليك، بلاش تدخلها لأنها مفيهاش أدبي أصلاً.
• لو بتحب نظام الحفظ و التلقين و مش بتعرف تدور و تبحث عن المعلومه بنفسك انصحك بلاش تقدم عشان هتتعب جااامد في المدرسة
• في شرط انك لو دخلت 𝐒𝐓𝐄𝐌 وبعدين قررت متكملش، ساعتها هتضطر تدفع للمدرسة كل المصاريف اللي اتصرفت عليك.
• طب بنسبه للبنات المبيت هيبقا إجباري عليهم ؟!!
في حاله واحدة فقط ممكن البنت ما تبات في المدرسة .. و هو ان ولي الأمر يروح مع الطالبة المدرسة ويمضي إقرار بتعهد ان مستوي الطالبة ماينزلش ولو نزل البنت بتتفصل وبتدفع غرامة كبيرة
▪︎مصروفاتها :
– طلاب المدارس الحكومية في تالتة اعدادي بيدفع 𝟏𝟎𝟎𝟎 جنيه سنويًا
– طلاب المدارس الخاصة بيدفع نفس المبلغ اللي كان بيدفعه في تالتة اعدادي
– لكن المدارسة الدولية بيدفع 𝟑𝟎 ألف جنيه متشال من غير دعم
-غير 𝟐𝟎𝟎𝟎 جنيه تأمين اللاب توب
▪️أسماء وعناوين مدارس المتفوقين في مصر
افتتحت وزارة التربية والتعليم حوالي 19 مدرسة للمتفوقين في مصر موزعين على كافة المحافظات إليكم الفروع:
– عنوان مدارس المتفوقين بـ 6 أكتوبر: القرية الكونية أمام جامعة زويل في حي الأشجار.
– عنوان مدارس المتفوقين بالمعادي: خلف مدرسة المستقبل الرسمية لغات في شارع الخمسين في زهراء المعادي.
– عنوان مدارس المتفوقين بالعبور: بلوك 08120 أمام مباني دار مصر في إدارة العبور مركز الحي التاسع قطعة 0.
– عنوان مدارس المتفوقين بالإسكندرية: خلف التأمينات الاجتماعية الجديدة وأمام الجامعة اليابانية ومسجد دار الايتام في المجاورة الثالثة في مدينة برج العرب الجديدة.
– عنوان مدارس المتفوقين بالإسماعيلية: قبل معسكر عز الدين في المجمع التعليمي على الطريق السريع.
– عنوان مدارس المتفوقين بالغربية: شارع الجلاء بجانب المدرسة الرسمية للغات في مدينة طنطا.
– عنوان مدارس المتفوقين بالمنوفية: بجانب قسم الشرطة في سرس الليان.
– عنوان مدارس المتفوقين بالشرقية: أمام مدرسة الزقازيق الثانوية الزراعية في شارع الماشية الحي الثاني بمنطقة لكوظ في مدينة الزقازيق.
– عنوان مدارس المتفوقين بالدقهلية: بجانب سجن جمصة شديد الحراسة في مدخل 15 مايو في مدينة حمصة.
– عنوان مدارس المتفوقين بكفر الشيخ: بجانب مدرسة على عبد الشكور في شارع المصنع.
– عنوان مدارس المتفوقين ببني سويف: في مدينة بني سويف الجديدة شرق النيل في الحي الثالث المجاورة الثالثة.
– عنوان مدارس المتفوقين بأسيوط: بجانب أكاديمية السادات للعلوم الإدارية على طريق المطار في اسكندرية التحرير.
– عنوان مدارس المتفوقين بقنا: بجانب المدرسة الألمانية في مجمع خدمات الحي الأول في مدينة قنا الجديدة.
– عنوان مدارس المتفوقين بالأقصر: بجانب البنك الأهلي في شارع علي بن أبي طالب في مدين الطيبة الجديدة في الأقصر.
– عنوان مدارس المتفوقين بالبحر الأحمر: خلف المدرسة الفرنسية في منطقة مبارك 11 حي الاحياء في الغردقة.
طيب نيجي هنا لأهم سؤال .. أيه هي اختبارات القبول الـ 𝐈𝐐 ؟
الطالب بعد ما بيقدم بيختبر إختبار الـ 𝐈𝐐 👇
الاختبار مكون من:
(أسئلة الـ 𝐈𝐐 – استدلال لغوي – علوم – رياضيات – إنجليزي)
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم على منصة كتاتيب مصر
