بسم الله الرحمن الرحيم
تحميل تفاصيل البنود الموجودة في مفردات مرتب المعلمين
كتير من الزملاء يتسائل عن البنود الموجودة في مفردات مرتبه
فسوف أوضح بعض هذه البنود نظرا لان مفردات المرتب بهذا عدة بنود يطول شرحها في منشور واحد
لذا سوف اقوم بشرح قيمة التأمينات الاجتماعية
👇👇👇
قيمة نسبة التأمينات الاجتماعية المخصومة من المرتب
= ٢٨.٢٥ %
– تتحمل الحكومة منها نسبة ١٧.٢٥ %
👇👇
نسبة الحكومة عبارة عن :-
نسبة ١٢ % تأمين شيخوخة وعجز ووفاة
نسبة ٣ % تأمين المرض
نسبة ١.٢٥ % تأمين اصابة العمل
نسبة ١% تأمين مكافاة
***************************
– الموظف يتحمل نسبة ١١%
نسبة الموظف عبارة عن :-
نسبة ٩ % تأمين شيخوخة وعجز ووفاة
نسبة ١ % تأمين المرض
نسبة ١% تأمين مكافاة
——————————————————-
طبعا لحد دلوقتى إحنا عرفنا نسب فقط
طيب عايزين نعرف مكانهم فين في المفردات
اولا :- حصة الحكومة نسبة ١٧.٢٥ % بتكون موجودة في جانب الاستحقاقات علشان هى من ضمن استحقاقاتك لدى الحكومة وتعتبر من ضمن إجمالى الاستحقاقات .
وبعد كده بتضاف في جانب الاستقطاعات علشان تورد لحساب هيئة التأمينات والمعاشات بالتفصيل الموجود اعلاه
*******
ثانيا :- حصة الموظف نسبة ١١ % بتضاف في جانب الاستقطاعات علشان تتخصم لصالح هيئة التأمينات الاجتماعية مع حصة الحكومة
ليكون إجمالى المبلغ المخصوم لهيئة التأمينات الاجتماعية ٢٨.٢٥ %
***********
طيب الكلام ده مش عارفين نطلعه من المفردات
سيادتك المفردات بيتكتب فيها اختصارا
يعنى هتلاقي
تأمين شيخوخة ح ص ع
تعنى تأمين شيخوخة حصة صاحب العمل ( الحكومة )
تامين شيخوخة ح م ع
تعنى حصة تامين الشيخوخة عن العامل
وهكذا وهتلاقي نفس النسب اللى ذكرتها فوق
عايز اوضح حاجة مهمة
النسبة الخاصة ب ١% سواء حصة الحكومة او الموظف
دي خاصة بمكافأة نهاية الخدمة ملهاش دخل بمكافأة الامتحانات نهائي .
سؤال مهم جدا كيفية حساب نسبة التأمينات الاجتماعية
علشان نعرف بتتحسب ازاي لازم تعرف عناصر أجر الاشتراك
فنص قانون التأمينات الاجتماعية رقم ١٤٨ لسنة ٢٠١٩ في مادته الاولى في بنده الثامن على إجمالا وتفصيلا
٨- أجر الاشتراك :- المقابل النقدي الذي يحصل عليه المؤمن عليه من الفئات المشار إليها بالبند أولا من المادة الثانية من هذا القانون من جهة عمله الاصلية لقاء عمله الاصلي
وقد فصلت عناصر الاجر توضيحا مرفق صورة المادة وتفصيلا لاجر الاشتراك
وختاما
كان معكم
السعيد أنور حماد
أدمن صفحة التوجيه المالي والإداري
للمتابعة
السعيد حماد
خالص أمنياتنا بالتوفيق لجميع زملائنا المعلمين والمعلمات وانتظرو منا كل ماهو جديد يخص أخبار وأدوات التعليم على منصة كتاتيب مصر.
