بسم الله الرحمن الرحيم
نقدم لكل طلاب المرحلة الثانوية العامة والأزهرية نصائح لطريقة مذاكرة المواد العلمية الأحياء والفيزياء والكيمياء على النظام الحديث ٢٠٢٢ في هذه المقالة على موقع أكاديمية كتاتيب مصر نقدم لكم أهم النصائح للمذاكرة وفهم المواد العلمية. تابع معنا
كيف تذاكر الكيمياء والفيزياء والاحياء ٢٠٢٢
اعزائي دفعة الثانوية العامة علوم ورياضة 2022
ركزو كويس في الكلمتين دول عشان تعرف مذاكرة كويس الفيزياء والكيمياء والاحياء على النظام الجديد ان شاء الله
1- اول حاجه لازم تركز مع الي بيقوله المستر لإن الكيمياء والفيزياء والاحياء بتعتمد عالفهم مش الحفظ يعني لو فهمت هتحفظ بس تأكد ع حفظك دا بحل تدريبات باستمرار.
2- تاني حاجه لو ليك صاحب بيفضل يقولك احنا مش هنجيب مجموع كويس احنا مش هندخل الي عاوزينه او صاحب بيكلمك عالطول فالحصه دا تقطع علاقتك بيه اصلا لأنه بيحبطك ومش هتعرف تركز مع المستر وهو بيشرح
3- تالت حاجه والأهم لازم تكون بتصلي وبتدي لربنا حقه وبتدعي وبتقرأ قرأن واكيد ربنا هيباركلك ف مذاكرتك وفي حياتك كلها .
4- رابع حاجه ممكن تشرب فنجان قهوه او لبن عشان تركز وانت بتذاكر بس مش كتير وممكن تاكل شيكولاته جمبهم عشان تغير مودك.
5- خامس حاجه لازم تكون مخلص الي وراك عشان وانت بتذاكر ماتفضلش تقول انا لسه معملتش كذا وكذا ومش هتعرف تركز ف مذاكرتك لان دماغك هتكون مركزه فالحاجات الي انت معملتهاش وعتقدر تحقق اللي انت محتاجه ان شاء الله.
6- سادس حاجه متقولش كمان ساعه وابقي اذاكر او انا م شويه وبعدين ابقي اذاكر او العب عالموبايل شويه وبعدين اذاكر لا يا حبيبي الي بتعمله دا غلط جدا ومش هيفيدك ف حاجه بالعكس انت كده بتضيع مستقبلك اتغب دلوقت والعب بعد الثانوية براحتك.
7- سابع حاجه لازم يكون عندك ثقه ف نفسك وتكون عاليه اوي عشان محدش يهدها ف لحظه والثقه دي اهم حاجه الإنسان الي معندوش ثقه ف نفسه دا بيبقي انسان فاشل مش اكتر وطبعا انت عمرك ما هتكون كظه صح ولا ايه رأيك .
8- ثامن حاجه بعد ماتخلص مذاكره اعمل لنفسك مسائل وتعملها سهله ومش سهله اوي وصعبه وتشوف مستوى نفسك عامل ازاي وكمان لو حليت اكتر هتستفاد اكتر ان شاء الله
نصائح أكاديمية كتاتيب مصر لطلاب الصف الثالث الثانوي ٢٠٢٢
- خليك منظم
- متفوتش دروس
- متقولش مفيش وقت
- ابسط نفسك
- ذاكر اول بأول
- مش لازم تسيب موبايلك بس متقعدش عليه وانت بتذاكر او متحطوش جنبك احسن
- ذاكر ساعة بتركيز ولا تذاكر اليوم كله ودماغك في حتة تانية
- ابعد عن المحبطين
- روح لمدرسين بتحبهم
-شيل من دماغك اسطورة المدرس الخبرة الي عندة 60 سنة - روح لمدرس بيعمل امتحانات كتير
- روح لمدرس بيتابعك على طول وبيسأل دايما
- لو انت رياضة هات كشكول كبير لكل فرع رياضة عشان يكفيك لاخر السنة ولو خلص عينه عشان هتحتاجه في المراجعه
- متغيرش مدرسين كتير
- متقعدش عند مدرس مش مرتاح معاه
- اظبط نومك وحاول تصحى بدري تذاكر
- متضيعش وقت كتير بعد الدروس
- اختر الصديق قبل الطريق
- متتكبرش
- متيأسش
- اما الدنيا تضلم عليك ريّح حبة عشان تعرف تكمل
- اما تضايق ابقى شوف حد تروح تتكلم معاه وتحكّي معاه بس ياريت يكون حد هيفرفشك مش هيضايقك بزيادة
- اعرف انك هتتعب
- العب رياضة حتى لو ساعه في الاسبوع
- كمّل في هوايتك ومتوقفهاش
- لو معندكش هواية ، دور على هواية السنة دي بس
-المذاكرة اهم من الدرس - متروحش درسين في مادة مثلا وانت اصلا مش بتذاكرها
- حل نحو من اول السنة
- الفيزياء مش صعبة
- والعضوية مش صعبة
- متقولش مش هخرج من البيت واقعد اذاكر
- افتح نت بس مش بغباء
- واهم حاجة حب نفسك وابسطها السنة دي بالذات واما تذاكر حبة حلوين انزل اشتريلك حاجة حلوة
واخيرا خد مبدأ انك مش هتغش كلمة في الامتحانات، متضيعش صلاة، السنة مش صعبة ، بس متعبة ورخمة ومرهقة نفسيا، خد نفس كده واستعين بالله وكده وكله بيعدي ان شاء الله
بالتوفيق لجميع أبنائنا الطلاب في جميع المراحل الدراسية انتظرو كل ماهو جديد يخص المرحلة الثانوية على منصة كتاتيب مصر.
