بسم الله الرحمن الرحيم
تفسير الكتاب الدوري رقم 10 لسنة 2023 بخصوص مواعيد الامتحانات ومجموعات التقوية
هو يعني إيه الكلام ده ؟
تعالى نفهم معناه
يعني اختبارات شهري مارس وأبريل لصفوف النقل من رابعة حتى الصف الثاني الثانوي، ستعقد في جزء من حصة المادة وعلى مستوى المدرسة وليس جدول موحد وكل معلم هيمتحن الطلاب في الفصل حسب حصته يعني نفس المدرس ممكن يمتحنك الحصه الاولى وهو نفس المدرس في فصل تاني هيمتحنهم الحصه التانيه وامتحان مختلف عن امتحانك..
ويعني ايه اختبارات قصيرة تحقق الهدف التربوي منها؟
يعني اختبارات مش معقده ولا فيها ألغاز ولا فرد عضلات ولا ضغط على طالب علشان تاخد عند المدرس درس ولا تخرج تقول الامتحان فيه أخطاء ومشاكل وصعب … ده هما سؤالين في اقل من نصف وقت الحصة وكل واحد هيحل في ورقة من كراسته ولا هنشتكي من عدم وجود ميزانيه لطباعة الورق ولا المدرسة بتلم فلوس علشان ورق الامتحان ولا اي حاجه من اللي حصلت التيرم الأول …وبعد الامتحان المدرس هيلم الورق يصححه ويكمل شرح حصته علشان المنهج ميقفش ولا يتعطل ..
اعتقد بسيطه جدا والموضوع سهل ومجرد تقييم زي تقييمات الشهور العادية اللي ولادنا كانوا متعودين عليها في كراسه التطبيقات
وفي ذات السياق ، وزير التربية والتعليم يصدر كتابًا دوريًا بشأن اختبارات شهري مارس وأبريل 2023.
اختبارات شهري مارس وأبريل لصفوف النقل ستعقد في جزء من حصة المادة وعلى مستوى المدرسة
أصدر الدكتور رضا حجازي وزير التربية والتعليم والتعليم الفني، كتابًا دوريًا بشأن تنظيم عقد اختبارات شهري مارس وأبريل خلال الفصل الدراسي الثاني للعام الدراسي 2022/2023.
ونص الكتاب الدوري على أن يتم عقد اختبارات شهري مارس وأبريل في جزء من حصة المادة وعلى مستوى المدرسة على أن تكون اختبارات قصيرة تحقق الهدف التربوي منها.
كما نص على إلتزام المدرسة بالقرار الوزاري رقم 28 بتاريخ 1/2/2023، المنظم لمجموعات الدعم المدرسية، مع إمكانية النزول بالحد الأدنى لقيمة مقابل الاشتراك طبقًا لرؤية مدير المديرية ومديري الإدارات التعليمية ورئيس مجلس الأمناء.
كما وجه الوزير بضرورة إعداد كشوف تفصيلية للطلاب الموهوبين، وتصنيفهم حسب الموهبة، للبدء في وضع برامج الرعاية لتنمية مهاراتهم ومواهبهم.
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم على منصة كتاتيب مصر