بسم الله الرحمن الرحيم
آخر اخبار تخفيف مناهج الصفين الرابع والخامس الابتدائي الترم الثاني 2023
معلومات تعليمية ردا على استفسارات اولياء الأمور والطلاب:
= تخفيف مناهج رابعة وخامسة ابتدائي هيكون في الترم الثاني، يعني اللي في الكتب الخارجية حاجة، واللي في كتب الوزارة حاجة.. كتب الوزارة أصدق وأصح.
= مفيش إلغاء للصف السادس الابتدائي.. المناهج الجديدة لسنة ٦ ابتدائي خلصانة وقريب هتطبع.
= الطالب المقيد حاليا في رياض الأطفال والصف الأول والثاني والثالث والرابع والخامس الابتدائي، عندما يصل إلى الصف الأول الإعدادي سوف يختار لغة أجنبية ثانية من اللغات (الفرنسية- الألمانية- الإيطالية- الأسبانية) وستكون مادة أساسية بدرجات ونجاح ورسوب في باقي الصفوف حتى ينتهي من مرحلة التعليم قبل الجامعي، بحيث يدرس الطالب ثلاث لغات (عربي وإنجليزي ولغة ثانية من اللغات الأربعة).
من جديد: نتيجة أولى وتانية ثانوي بالدرجات مش بالألوان ولا التقديرات.
= الامتحان التجريبي للصف الثالث الثانوي هيكون في صورة نسخة إلكترونية على موقع الوزارة مش هيكون في لجنة وورق أسئلة وإجابة.. هيكون فيه نموذج لكل مادة الطالب يحمله ويطبعه ويجاوب عليه كنموذج نسخة طبق الأصل من امتحانات آخر السنة.. وده هيكون بداية الترم التاني.
= امتحانات الترم التاني لكل الصفوف (عدا ٣ ثانوي) حتى نهاية منهج شهر أبريل.. والامتحانات الشهرية الترم التاني لصفوف النقل (واحد في فبراير والتاني في مارس).
= أي طالب منازل في شهادة الثانوية العامة مش عارف يسجل اسمه في مدرسة علشان يسجل استمارة امتحانات الثانوية العامة يروح شئون الطلبة في الإدارة التعليمية يجيب بيان نجاح عن أولى وتانية وبعدها يروح الكنترول هيتسجل له الاستمارة أو يسجل إلكتروني.
وزير التعليم والمعلمات الجدد الحوامل:
= وزير التعليم اتكلم أمام نواب مجلس الشيوخ، عن مسابقة المعلمين الجديدة، وقال إن معظم اللي نجحوا وتنطبق عليهم شروط التعاقد كمعلمين (حوامل)، واتقال ضمن ما اتكتب على لسان الوزير إنه هيأجل التعاقد مع (الحوامل) لمدة سنة، يعني هيتعاقد معاهم السنة الجاية.
=لا الحوامل هيتأجل التعاقد معاهم سنة، ولا وزارة التعليم ناوية تلغي تعيينهم، ولا أي جهة حكومية تقدر تعمل كده.. طالما انطبق على أي حد شروط التعاقد ونجح في الاختبارات، بقى لزاما على الحكومة تتعاقد معاه.. دي الوقت، أو بعدين، خلاص الوظيفة محفوظة.
= بخصوص الحوامل بقى تحديدا، ومن كلام مسئولين كبار في الوزارة: هيتعاقدوا معاكم، والسنادي مش السنة الجاية ولا اللي بعدها.. حضرتك فور الولادة، تقدمي طلب تفعيل التعاقد معاكي، وهيحصل التعاقد.. لأن لا فيه قانون بيقول تأجيل، ولا غير تأجيل.
= طب ليه الأفضل إن حضرتك تضعي بالسلامة وتيجي تستلمي العمل في أي وقت يناسبك.. لأنك بعد سنتين التعاقد، وقبل ما تتعيني رسمي، هيكون مطلوب من حضرتك شهادة صلاحية، لكن فترة الإجازة الطويلة خلال مدة التعاقد، هتعمل لك مشكلة بعدين وقت التعيين.
= باختصار: مش هيتأجل التعاقد للعام المقبل، مع حد اتقدم لمسابقة المعلمين، انطبقت عليه الشروط، ونجح في الاختبارات، حامل أو مش حامل.. ومفيش أي جهة تقدر تعمل كده.
نقلا عن الصحفي أحمد حافظ
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم على منصة كتاتيب مصر