بسم الله الرحمن الرحيم
أعلنت #وزارة التربية والتعليم عن مد فترة إرسال الرغبات في المرحلة الثانية للثانوية العامة فتلقائيا سوف يتم فتح باب التقدم للكليات المرشح لها الطلاب بداية من نهاية هذا الاسبوع ان شاء الله.
وانطلاقا من أهمية هذه المرحلة في حياة جميع الطلاب نقدم لكم في منصة كتاتيب هذا المقال عن جميع الاوراق اللازمة للتقديم في الكلية
الأوراق المطلوبة للتقديم للكليات والحاجات اللي لازم تاخد بالك منها قبل ماتروح تقدم في الكليات :-
كل كليه ليها ميعاد تقديم محدد هنقولكم عليه لما يتم الإعلان عنها رسميا بس لازم تجهز كل الاوراق دي.
1 صورة بطاقة الترشيح .
2 اصل شهادة الثانوية العامة + صورة منها .
3 اصل شهادة الميلاد + صورة منها .
4 صورة البطاقة الشخصية
5 عدد ٦ صور حديثة مقاس ٤ في ٦ .
6 استمارة ٢ جند [ للذكور فقط ] .
7 المصاريف [ تختلف من كلية للتانية ] .
*نصائح هامة أثناء التقديم للجامعة 2021
1 صور بطاقة الترشيح بعد ما تطبعها حوالي ٥ صور ، لانك هتدخل بيها من بوابة الجامعة وهتبقي ضمن ورق التقديم وهتحتاجها .
2 الصور مينفعش تبقي غير مقاس ٤ في ٦ لو روحت بصور صغيرة هترجع بيها ومش هياخدوا ورقك .
3استمارة ٢ جند و ٦ جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الامن ، افضل حاجة تسأل واحد من بلدك اكبر منك وكان في ثانوية وقوله كنت جايبها منين .
4 بعض الكليات بتطلب دوسيه بلاستيك مع ورق التقديم ، عشان تحط في ورقك
5شهادة الميلاد لو عندك واحدة قديمة ، اتأكد ان فيها رقم ثلاثي تحت كده ، لو مش فيها ، استخرج واحدة تانية غيرها جديدة وهيكون فيها الرقم الثلاثي ده .
6 لما تروح تجيب استمارة ٢ جند واستمارة ٦ جند ، هتجيبها بالبطاقة فقط ، وممكن حد يجبهالك عادي .
7 صورة البطاقة الشخصية مهمة في بعض الكليات فالكل يعملها احتياطي .
خالص امنياتنا بالتوفيق لجميع الطلاب من منصة كتاتيب